Reabilitatsiya sohasida yangi bilim almashinuvi

Yangiliklar

2025-yilning 21-22-avgust kunlari Toshkent shahridagi 5-son shahar klinik shifoxonasi hududida “Synteco Health Clinic” MChJ QK bosh homiysi bo‘lgan “Mobil bo‘g‘inlar – erkin harakat. Neyroplastiklik” mavzusida Xalqaro ilmiy-amaliy konferensiya bo‘lib o‘tdi. Mazkur konferensiya Toshkent shahar Sog‘liqni saqlash bosh boshqarmasi ko‘magida Toshkent davlat tibbiyot universitetining “Oilaviy tibbiyot-2 va klinik farmakologiya” kafedrasi ishtirokida o‘tkazildi.

Rossiya Federatsiyasidan Oʻzbekistonga quyidagi shaxslar ekspert sifatida kelgan:

  • Reut Vyacheslav Vyacheslavovich – Rossiya ambulator reabilitatsiya shifokorlari uyushmasi raisi;
  • Shulginova Anastasiya Aleksandrovna – tibbiyot fanlari doktori, dotsent, «Lausta» DPO O’quv markazi o’qituvchisi;
  • Katsnelson Maksim Anatolyevich – refleksolog, nevrolog, reabilitatsiya bo’yicha mutaxassis, fizioterapevt va gomeopat, «Lausta» DPO o’quv markazi o’qituvchisi, ambulator reabilitatsiya shifokorlari assotsiatsiyasining refleksologiya va gomeopatiya bo’limi mudiri;
  • Perederyaeva Anna Vasilevna – «Lausta» o’quv markazi o’qituvchisi, RTBalance kinesiterapiya va muvozanat bo’yicha yetakchi mutaxassis, Ambulator reabilitatsiya shifokorlari assotsiatsiyasi qoshidagi reabilitatsiyaning motorli usullari bo’limi boshlig’i.

Ikki kun davomida mutaxassislar insultdan keyingi reabilitatsiyaga zamonaviy yondashuvlar masalalari bo‘yicha o‘z tajriba va tavsiyalari bilan o‘rtoqlashdi, tayanch-harakat tizimi surunkali kasalliklarining oldini olish bo‘yicha kompleks dasturlar haqida so‘z yuritdi. Anjuman ishtirokchilari reabilitatsiyaga integratsiyalashgan yondashuv, bemorlar salomatligini tiklashning ko‘p maqsadli va ko‘p tarmoqli yondashuvlarini muhokama qildilar, ambulator reabilitatsiya bo‘yicha amaliy tajribalari bilan o‘rtoqlashdilar. Konferensiya davomida mutaxassislar turli kasalliklar va tayanch-harakat apparati shikastlanishi oqibatlarini davolashda fizioterapiya asbob-uskunalaridan qanday to‘g‘ri foydalanish bo‘yicha yondashuvlarni ham taqdim etdilar. Mutaxassislar tomonidan, ayniqsa, insultdan keyingi reabilitatsiyada, kognitiv buzilishlarni tuzatishda, surunkali og‘riq sindromlarini davolashda ayniqsa dolzarb bo‘lgan refleksologiya usullaridan foydalanish bo‘yicha treninglar o‘tkazilib, bemorlar va ularning davolovchi shifokorlariga aniq murojaatlar bo‘yicha maslahatlar berildi.

Bunday konferentsiyalarning afzalliklari nimada? Bu o‘zaro tajriba almashish, tibbiyot xodimlarining malakasini oshirish, O‘zbekistonda reabilitatsiya metodologiyasini rivojlantirishga qo‘yilgan yana bir hissadir.

“Synteco Health Clinic” kompaniyasi restorativ reabilitatsiyaning uslubiy bazasini ishlab chiqish va ushbu yo‘nalishdagi loyihalarini amalga oshirish bo‘yicha ishlarni davom ettiradi.